கலாமுக்கு அஞ்சலி

              இன்று 28.07.2015 செவ்வாய்க்கிழமை எமது பள்ளியில் மறைந்த முன்னாள் குடியரசுத் தலைவர் அப்துல் கலாம் அவர்களுக்கு அஞ்சலி செலுத்தப்பட்டது.
             பள்ளித் தலைமை ஆசிரியர் திரு செ. இராஜேந்திரன் அவர்கள் தலைமையில் நடைபெற்ற நிகழ்வில் பள்ளித் தலைமை ஆசிரியர் தமது உரையில் மறைந்த ஆ.ப.ஜெ. அப்துல்கலாம். அவர்கள் இந்தியாவின் 11வது குடியரசுத் தலைவராக இருந்தது மட்டுமல்லாமல் இந்தியாவை வல்லரசாக்க பாடுபட்டவர். இந்தியாவின் எதிர்காலமே மாணவர்கள் மற்றும் இளைஞர்கள் கையில்தான் உள்ளது என உறுதியாக நம்பியவர் எனவும் அதனாலேயே தனது வாழ்வின் கடைசி நிமிடத்தைக் கூட மாணவர்களுடனேயே கழித்து தன்னுயிரை விட்டுள்ளார் எனவும் கூறி அவரின் தியாகங்களை பின்பற்றி நாமும் இந்நாட்டிற்காக தொண்டாற்ற வேண்டுமெனக் கேட்டுக்கொண்டார்.
பின்னர் மாணவர்கள் மற்றும் ஆசிரியர்கள் அலங்கரித்து வைக்கப்பட்டிருந்த அப்துல்கலாம் அவர்களின் திருவுருவப் படத்திற்கு மலர்களைத் தூவி அஞ்சலி செலுத்தினர்.
            நிகழ்வில் உதவி ஆசிரியர்கள் திருமதி மு. இலட்சுமி, திருமதி த. லதா, திருமதி அ. நர்மதா ஆகியோர் கலந்துக்கொண்டனர்.

 

16.07.2015 தமிழ்முரசு நாளிதழில் வெளிவந்த செய்தி

கல்வி வளர்ச்சி நாள் விழா......

இன்று 15.07.2015 புதன்கிழமை எமது பள்ளியில் கர்ம வீரர் காமராசர் பிறந்த தினம் கல்வி வளர்ச்சி நாள்  விழாவாகக் கொண்டாடப்பட்டது.

முன்னதாக பள்ளித் தலைமை ஆசிரியர் திரு செ. இராஜேந்திரன் அவர்கள் கல்விக்கு கண் கொடுத்தவரும், கர்மவீரர் எனப் போற்றப்பட்டவருமான தமிழக முன்னாள் முதல் அமைச்சர் திரு கு. காமராஜ் அவர்களைப் பற்றிய பல அரிய செய்திகளையும் அவரின் சாதனையும் கூறி  அனைவரையும் வரவேற்றார். விழாவிற்கு ஊத்தங்கரை உதவித் தொடக்கக் கல்வி அலுவலர் திரு இர. பிரசாத் அவர்கள் தலைமை தாங்கினார். அவர் தமது தலைமை உரையில் கல்வி வளர்ச்சி நாள் விழாவின் அவசியம் மற்றும் இவ்விழா கொண்டாடப்படுவதன் காரணம் ஆகியவை குறித்தும், திரு கு. காமராசர் அவர்களை பற்றியும் விரிவாக பேசியதோடு அனைவரும் தரமான கல்வியை கற்க வேண்டும் எனவும் கேட்டுக்கொண்டார்.

விழாவில் ஊத்தங்கரை அரசு ஆண்கள் மேல்நிலைப் பள்ளி இளைஞர் செஞ்சிலுவைச் சங்க பொருப்பாசிரியர் திரு கு. கணேசன் அவர்கள் கலந்துக்கொண்டு வாழ்த்துரை வழங்கியதோடு மாணவர்களுக்கான பரிசுப்பொருட்களை தமது சொந்த செலவில் வழங்கினார்.

பின்னர் மாணவர்கள் கல்வி வளர்ச்சி நாள் கொண்டாடப்படுவதற்கு காரணமான திரு காமராசர் தொடர்பான தமிழ்/ஆங்கில பேச்சு, கவிதை மற்றும் பாடல்கள் மூலம் தமது திறமைகளை வெளிப்படுத்தினர்.

அதன்பின் நடைபெற்ற பரிசளிப்பு விழாவில்  ஒன்றிய அளவில் நடைபெற்ற சதுரங்கப் போட்டியில் முதலிடம் பெற்ற மாணவர் நா. தினேஷ், குறுவள மைய அளவில் நடைபெற்ற சதுரங்க போட்டிகளில் வெற்றி பெற்ற மாணவர்கள் வே. சர்மிளா, பெ. கலையரசி, மு. இளவரசன் மற்றும் கடந்த கல்வி ஆண்டில் பள்ளிக்கு 100% வருகை புரிந்த மாணவர்கள் ச. இனியா, சு. அர்ச்சனா, மு. சுரேந்தர், ச. நந்தினி  ஆகியோருக்கும், பல்வேறு போட்டிகளில் வெற்றி பெற்ற  மாணவர்களுக்கும் பரிசுகள் வழங்கப்பட்டது.

இறுதியில் பள்ளி உதவி ஆசிரியர் திருமதி அ. நர்மதா  அனைவருக்கும் நன்றி கூறினார்.

விழாவில் உதவி ஆசிரியர்கள் திருமதி த. லதா, திரு. வே. வஜ்ஜிரவேல் ஆகியோரும் பள்ளி பெற்றோர் ஆசிரியர் கழகத் தலைவர் திருமதி சி. இராஜேஸ்வரி, கிராமக் கல்விக் குழுத் தலைவர் திரு த. பூபதி, பள்ளி மேலாண்மைக் குழு துணைத்தலைவர் திருமதி பூ. பரமேஸ்வரி உள்ளிட்ட பலரும் கலந்துக்கொண்டனர்.

உலக மக்கள் தொகை நாள் விழா

இன்று 11.07.2015 சனிக்கிழமை ஜோதிநகர் ஊராட்சி ஒன்றிய நடுநிலைப் பள்ளியில் பள்ளி சுற்றுச்சூழல் மன்றம் சார்பில் உலக மக்கள்தொகை நாள்விழா நடைபெற்றது.

 பள்ளித் தலைமை ஆசிரியர் திரு செ. இராஜேந்திரன் அவர்கள் தலைமையில் நடைபெற்ற விழாவில் உலக மக்கள்தொகை நாள் விழா  நடத்துவதன் அவசியம் பற்றியும் உலகில் மக்கள் தொகை அதிகரிப்பதால் ஏற்படும் விளைவுகள் பற்றியும் விரிவாக எடுத்துக்கூறி, இன்று உலகம் முழுமையும் உள்ள அனைத்து நாடுகளும் இந்நாளை  கடைபிடிப்பது பற்றியும் எடுத்துக்கூறினார்.

பின்னர் பள்ளி மாணவர்களை இந்திய நிலவரைபடம் போல அமரவைத்து இந்தியாவின் பல்வேறு மாநிலங்களில் காணும் மக்கள் தொகை எண்ணிக்கை, மக்கள் தொகை நெருக்கம் பற்றியும் இதன் விளைவாக அங்கு ஏற்பட்டுள்ள இடர்பாடுகள் மற்றும் பற்றாக்குறை பற்ரியும் விவாக எடுத்துக்கூறப்பட்டது.

பின்னர் முதல் 5 வகுப்புகள் வரையில் ஒரு பிரிவாகவும் 6 முதல் 8 வகுப்புகள் வரையில் ஒரு பிரிவாகவும் பிரிக்கப்பட்டு அவர்களுக்கு மக்கள்தொகை விழிப்புணர்வு போட்டிகள் நடத்தப்பட்டது. அப்போது மாணவர்கள் தமது திறமைகளை வெளிப்படுத்தினர்.

அதன் பின்னர் போடிகளில் வெற்றி பெற்ற மாணவர்களுக்கு பரிசுகள் வழங்கப்பட்டது. விழாவில் உதவி ஆசிரியர்கள் திருமதி மு. இலட்சுமி, திருமதி த. லதா, திரு வே. வஜ்ஜிரவேல் திருமதி அ. நர்மதா ஆகியோர் கலந்துக்கொண்டனர்.